【3月護眼講座及視力篩查活動】
2023年，疫情過去，護眼小隊終於重出江湖！🎉🎉
上星期五(24號)，我哋眼睛健康基金、義務眼科專科醫生Dr.Tang連同愛心義工受邀去到紅磡羅陳楚思長者鄰舍中心🧓👴，為中心在埸人士舉辦眼睛講座，向佢地講解『老年常見眼疾』，仲分享埋護眼小貼士，教大家平時點樣保護雙眼！
講座後，我地仲提供埋初步眼睛 檢查，包括視力及眼壓檢查 ，檢查後會逐個簡單分析講解 個結果比參加者知㗎 ！
唔只係老友記🧓👴要知道老年常見眼疾，身邊嘅屋企人都要知，如果唔係老友記自己唔發覺有問題，屋企人都可以發覺到！😊
閱讀更多
【機構宣傳及慈善義賣-愉景灣新年市集】
愉景灣新年市集 Discovery Bay Chinese New Year Markret
話咁快又到新年啦！係時侯採購新年裝飾為家居佈置一番！快啲mark 定1月15日，我哋同事Grace & Hinson 將會去愉景灣新年市集擺檔做慈善義賣！
我哋到時會帶利是封、鎖匙扣、風車、頸巾、手套、袋…做義賣！如果見到有啱嘅，係你心水嘅野，都可以支持下我地！我哋好多貨品都係同事自己或義工幫手整，賣一件少一件，機會難得，快啲嚟買啦！
你哋每一份支持都係幫助到有經濟困難嘅眼疾患者，令佢地有合適嘅治療，減輕因眼疾帶嚟嘅影響。
閱讀更多
又到(11/1)AEON幸福的黃色小票活動啦~~
當日同事Grace & Hinson去到AEON荃灣店舖擺檔做義賣籌款！
我哋當日帶咗手工布袋、防蚊膏、飾物….做義賣，每一件都係同事同義工幫手整，每一樣都係獨一無二，唔使驚撞款！你哋行過路過都可以過嚟睇同支持下，今次係我哋最後一次AEON義賣籌款，唔係唔嚟攤檔睇下嗎！！有機會都可以嚟了解下我哋機構嘅眼睛健康工作都得，或者嚟領取眼睛資訊、驗眼卡返屋企同屋企人朋友分享睇下！
——————————————-
「黃色小票活動」
每月嘅11號「永旺日」(AEON Day)， AEON Stores Hong Kong 都會進行「幸福的黃色小票」活動。顧客只需要將當日購物後得到嘅黃色收據（又稱為黃色小票）投放到所支持嘅非牟利機構票箱 ，AEON就會根據每間機構獲得嘅小票總金額嘅1%，以物品形式捐贈俾各機構。
——————————————-
AEON荃灣地址：
新界荃灣大河道88號灣景廣場購物中心地下至3樓全層
閱讀更多
多謝 Chess Clubhouse HK – 棋藝部 喺12月17日嘅「棋見光明」活動支持眼睛健康基金！當日活動所有收益減去成本會全數資助「善明行動」，幫助有經濟困難的白內障患者做手術！
我哋嘅總幹事Audrey都有到場介紹我哋嘅「防盲、治盲、除盲」嘅工作，仲了解咗國際象棋嘅玩法！今次邊學邊做善事真係好有意義！
如果 貴公司都想籌備慈善活動，都可以同我哋聯絡！
————————————–
搞慈善活動搵緊受惠機構？可以考慮支持眼睛健康基金！
向我哋查詢有關詳情啦！
電話：3429 0090
電郵：info@eye-fund.org
#善明行動 #眼睛健康基金 #慈善白內障手術 #光明重明 #眼睛健康 #長者服務 #手術資助 #白內障 #保護眼睛 #eyefund #老人服務 #籌款 #免費手術 #捐款
閱讀更多