「50+博覽2023」

「50+博覽2023」

一連三日嘅50+博覽2023已經喺星期日完滿結束，好多謝大家嘅支持同參與！

三日嚟都有唔少市民都有嚟支持同我哋嘅講座，令到現場都好熱鬧同每埸講座都好爆滿，連企位都站無虛席！大家都把握機會向醫生發問同查詢有關眼睛方面嘅問題，醫生亦好有耐性同大家一一解答。呢三日都有唔少市民排隊參與我地嘅初步視力篩查，有唔少場次都會出現人龍排隊驗眼，甚至要圍住展位排隊，喺依到再一次感謝大家耐心等候！

現場仲有唔少市民即時登記全面眼科檢查，建立定期驗眼嘅好習慣！

我地團隊好開心有好多市民嚟我哋展位了解眼睛健康基金的工作，我哋會繼續努力將「防盲」、「治盲」、「除盲」訊息傳開到社區每一個角落，令更多普羅大眾關注眼睛問題，重視用眼習慣及眼疾帶嚟嘅影響

鳴謝： 清晰眼科 Clarity Eye Centres 支持

鳴謝： 博士倫眼部護理 Bausch + Lomb Eyecare 禮品支持