【8月護眼講座-屯門香港復康會社區復康網絡大興中心】

上星期五(18日)，我哋眼睛健康基金職員連同義務眼科專科醫生Dr. Victor Chu 受邀去到屯門 香港復康會 The Hong Kong Society for Rehabilitation 社區復康網絡大興中心 為在埸人士舉辦眼睛講座，向佢地講解『老年常見眼疾』，仲分享埋護眼小貼士，教大家平時點樣保護雙眼！

當日除咗有好多老友記親身出席講座之外，仲有唔少老友記同佢哋嘅屋企人透過網上直播嚟參與今次講座！

有唔少老友記都好關心自己對眼，所以喺講解時好留心聽醫生分享，問答環節就好熱烈舉手發問！有唔少老友記 問嘅問題都大同小異，主要都圍繞全住老年常見眼疾嚟問，好似白內障有無話幾熟先做、平時可以點維持穩定嘅黃斑病變情況等等！

其實醫生都建議最好就定期做一個詳細嘅眼睛檢查，尤其係上咗年紀嘅朋友仔，定期檢查先可以跟進到眼睛嘅情況！