【Vision Saver 義工培訓】-第一期

喺星期日(4月2日)， Vision Saver義工培訓（第一期）完滿結束！

好多謝嗰日出席嘅參加者，唔只係熱情投入活動，仲分享咗一啲自身嘅經歷，令大家可以近距離了解更多有關唔同眼疾嘅真實情況，俾其他參加者知道唔同眼疾嘅分別同徵狀。

嗰日咁多位參加者都好滿足咁走，因為唔只有一個護眼福袋、出席證書同「全面眼睛檢查」慈善優惠之外，仲學習到好豐富嘅護眼知識！仲可以透過互動遊戲，親身體驗到唔同眼疾人士嘅視覺。

想參加義工培訓成為Vision Savers 嘅一份子？快啲約埋親朋好友嚟報名啦！